Yangi Asr Universiteti

Universitet haqida : Yangi Asr Universiteti

Yangi Asr Universiteti 2021-yilda tashkil etilgan bo'lib, O'zbekiston Respublikasi Vazirlar Mahkamasi huzuridagi Ta'lim sifatini nazorat qilish davlat inspeksiyasi tomonidan 279705-sonli litsenziyaga ega bo'lgan nodavlat oliy ta'lim muassasasidir. Universitetimiz yoshlar uchun zamonaviy va innovatsion ta'lim olish imkoniyatini taqdim etadi, bu esa talabalarga ilmiy, axloqiy va amaliy jihatlarini rivojlantirishda yordam beradi.

Universitetda mavjud ta'lim yo'nalishlari:

1. Bakalavriat:

  - Psixologiya

  - Pedagogika va psixologiya

  - Maktabgacha ta'lim

  - Boshlang‘ich ta'lim

  - Dizayn (turli yo‘nalishlarda)

  - Tarix (Sharq mamlakatlari bo‘yicha)

  - Filologiya va tillarni o‘qitish (arab, ingliz, o‘zbek, rus, xitoy tillari)

2. Magistratura:

  - Pedagogika nazariyasi va tarixi

  - Ta'lim va tarbiya nazariyasi va metodikasi

  - Ta'limda axborot texnologiyalari

  - Tarix

  - Lingvistika (arab va ingliz tillari bo‘yicha)

Universitetning afzalliklari:

- Zamonaviy infratuzilma: Universitet zamonaviy o‘quv xonalari, laboratoriya xonalari, kutubxona va sport zallariga ega.

- Diplomning tan olinishi: Yangi Asr Universiteti diplomi davlat universitetlari diplomi bilan teng huquqiy kuchga ega va respublika bo‘ylab tan olinadi.

- O'qish shakllari: Kunduzgi, kechki va sirtqi ta'lim shakllarida o'qish imkoniyati mavjud.

Qabul va grantlar: Universitetda qabul jarayonlari davom etmoqda. Har yili talabalar uchun davlat tomonidan grantlar ajratiladi, shu jumladan ichki imtihonlarda yuqori natijalar ko‘rsatganlar uchun ham.

Manzil: Universitetimiz Toshkent shahrining Chilonzor tumanida joylashgan bo‘lib, barcha qulayliklarga ega.

Qabul kvotasi: Yangi asr universitetining 2024-2025-o’quv yili uchun kvotasi 2500 ta etib belgilandi.

Universitet grantlari :

Yangi Asr Universiteti iqtidorli va bilimli abituriyentlarni qo‘llab-quvvatlash maqsadida xususiy va davlat grantlari taqdim etiladi. Ushbu imkoniyatlardan foydalanish uchun abituriyent universitetning ichki imtihonlarini a’lo darajada topshirishi kerak. Grantlar faqat bir semester yoki bir o‘quv yili davomida amal qiladi, ya’ni belgilangan muddatda yangilanishi lozim bo‘ladi. Bu tizim talabalar orasida raqobatni kuchaytirib, 1-kursda kontrakt asosida tahsil olayotganlarga 2-kursda grant asosida o‘qish imkoniyatini beradi. Shu tariqa, har yili yangi abituriyentlar va talabalar bilim va salohiyatlariga qarab qo‘llab-quvvatlanadi.

Universitetning qabul talablari :

Yangi Asr Universiteti 2024-yil uchun kirish imtihonlarini har bir ta'lim yo‘nalishiga mos ravishda tashkil etadi. Abituriyentlar davlat universitetlaridagi kabi tayyorgarlik ko‘rishlari mumkin. Davlat imtihonlaridan yuqori ball to‘plagan abituriyentlar universitetga suhbat asosida qabul qilinish imkoniyatiga ega bo‘ladilar.

Kirish uchun minimum talablar: Abituriyentlar tanlagan mutaxassislikka mos ichki imtihonlarda qatnashib, tegishli o‘tish ballarini qo‘lga kiritishlari lozim.

Universitet yotoqxonasi : Yotoxona mavjud va talabalarni turar joy bilan ta’minlash uchun xizmatlar bilan shartnomalar imzolangan

Stipendiya : Hozircha mavjud emas.

Universitet tomonidan ijtimoiy yordam va chegirmalar :

Ijtimoiy himoya ro‘yxatiga kirganlar, masalan, "Ayollar daftari", "Temir daftar", "Yoshlar daftari" kabi dasturlarda bo‘luvchilar, boquvchisini yo‘qotgan yoki nogironligi borlar uchun moddiy yordam ko‘rsatilishi mumkin.

Xalqaro aloqalar: Universitetimiz xalqaro miqyosda hamkorlikni rivojlantirib, talabalarga xorijda tahsil olish va tajriba orttirish imkoniyatini beradi. Bu o‘quv yurtida siz nafaqat milliy, balki xalqaro me’yorlarga mos ta’lim olishingiz mumkin. Xitoy Xalq Respublikasining Nankin politexnika universiteti bilan (Nanjing Polytechnic Institute, China) YANGI ASR UNIVERSITETI ning taʼlim sohasida o‘zaro tajriba almashish rejalari kelishib olingan.

Ishlash imkoniyatlari :

Yangi Asr Universiteti talabalari va bitiruvchilari Grand Ta'lim, Grand Maktabi, Grand Bolajon Bog'chasi hamda boshqa turli tashkilotlarimizda ishga joylashish imkoniyatiga ega. Universitetimiz talabalarini nafaqat nazariy bilimlar bilan, balki amaliy ko‘nikmalar bilan ham ta'minlashni maqsad qilgan bo‘lib, bu orqali ular kelajakdagi kasbiy faoliyatlariga muvaffaqiyatli kirishlari uchun zarur tajribani oladilar. Universitetimiz tomonidan bu borada har tomonlama yordam ko‘rsatiladi, shuningdek, talabalar o‘z mutaxassisliklari bo‘yicha ish tajribasini mustahkamlashlari uchun turli imkoniyatlar yaratib beriladi.

Yangi Asr Universiteti — bu ta’lim, tajriba va tarbiya maskani bo‘lib, talabalarning kelajagini yaratishga ko‘mak beradi.