Xalqaro TMC instituti

TMC xalqaro instituti haqida: 2021-yil 6-aprel kuni Toshkent shahrida tashkil etilgan xalqaro institut hisoblanadi. Singapurning “Advanced Investment Holding” kompaniyasi TMC Institutining ta’sischisi va 100% lik aksioneri hisoblanadi. 2022-yil 22-oktyabrda Toshkent shahrida o‘zining ikkinchi asosiy kampusini tashlik qildi. 2023-yil 11-sentyabrda Toshkent shahrida 3 - kampusini ochishga muvaffaq bo‘ldi. Toshkentdagi TMC xalqaro instituti Singapurning TMC akademiyasining bir qismi hisoblanadi. Hozirgi paytda institut dunyoning 5 ta mamlakatida o‘z faoliyatini olib boradi va 40 yillik tarixga ega. O‘z faoliyati davomida ta’lim dargohi ISO 9001, sifat standarti, EduTrust va boshqa ta’lim sertifikatlari bilan taqdirlangan. Hozirgi kunda unda 7335 tadan ziyod talaba ta’lim olmoqda. Institut 5 ta xalqaro ta’lim dasturi, 4 ta milliy dasturni taqdim etadi. Ular bilan quyida tanishishingiz mumkin.

Xalqaro dasturlar:

Xalqaro dasturlar Britaniya University of Northampton bilan hamkorlikda yaratilgan. Ushbu yo‘nalishlardan biriga kirgan talaba Britaniya ta’lim standartlari bo‘yicha ingliz tilida ta’lim va diplom oladi.

Xalqaro yo‘nalishlarga kirish uchun talablar:  

- IELTS 5.5/TMС – ichki imtihon

- Attestat/diplom

Milliy yo‘nalishlarga kirish uchun talablar: 

- DTM Sertifikat yoki ichki imtihon

- Attestat/diplom

Qabul kvotasi 2024 - 2025 uchun : Xalqaro ta’lim yo’nalishlari uchun 500 ta, milliy ta’lim yo’nalishlari uchun 2000 ta. 

Grant : 2024-2025-yil qabul uchun Xalqaro ta'lim yo'nalishlari va Milliy dasturlar uchun grantlar ajratiladi

Xalqaro ta’lim yo‘nalishlariga 10 ta grant o‘rni ajratilgan. IELTS test natijasi 7,5 (ekvivalent) yoki TMCni kirish imtihonidan 80% va undan yuqori bo‘lsa abituriyent grant uchun suhbatga chaqiriladi. Grant uchun imtihon faqat bir marta bo‘ladi va TMCni ijtimoiy tarmoqlari orqali oldindan xabar beriladi. Suhbat 2 ta bosqichdan iborat bo‘ladi.

1. Birinchi bosqichda nomzodlarga bir necha mavzular beriladi. Nomzodlar mavzulardan o‘zlari xohlagan mavzuni tanlab insho yozishlari talab etiladi.
2. Ikkinchi bosqichda komissiya a’zolari bilan suhbat bo‘ladi va suhbatda nomzodlarga quyidagi yo‘nalishlarda savollar beriladi: Yetakchilik qobiliyati, tanqidiy fikrlash, ijtimoiy javobgarlik va ilmiy va amaliy ko‘nikmalar.

Grant faqat bir yilga beriladi va grantni saqlab qolish uchun grant g‘oliblari bir o‘quv yilida o‘qitilgan fanlarining umumiy jamlanmasi 80% va har bir fandan olinadigan baho 70% dan kam bo‘lmasligi kerak, aks holda, grant keyingi yilga amal qilmaydi.

Milliy dasturlar uchun har bir yo‘nalishlar kunduzgi ta’lim shakli uchun 3 tadan grant ajratilgan. Grant uchun imtihon faqat bir marta bo‘ladi va TMCni ijtimoiy tarmoqlari orqali oldindan xabar beriladi. Grant imtihonida, har bir fakultetning kunduzgi ta’lim shaklidan eng yuqori ball to‘plagan 3 nafar nomzod grant bilan taqdirlanadi. Talaba tomonidan o‘quv faoliyatining barcha turlari-ma’ruza, amaliy mashg‘ulot, seminar, laboratoriya ishi, kurs loyihasi ishi, amaliyot va mustaqil ishni amalga oshirish asosida kutilgan o‘quv natijalariga erishish uchun zarur bo‘lgan soatlar hajmini to‘plagan talabalar grant o‘rinlarini keyingi bosqichga olib o‘tishga muvaffaq bo‘lishi mumkin. (ECTS shkalasi bo‘yicha A baho o‘quv faoliyatining barcha turlari bo‘yicha ballar yig‘indisi 90-100 “A’lo” bo‘lishi shart.)

Kirish ballari :

Xalqaro ta’lim dasturlarida IELTS (5,5 yoki ekvivalent) yoki TMCI kirish imtihonidan eng kamida 40% olinishi kerak. Milliy ta’lim dasturlari uchun TMCI kirish imtihonidan 63 ball yoki BMBA (DTM) natijasi 63 ball. Xalqaro ta’lim yo‘nalishlarida imtihon Reading, Listening va Speaking dan bo‘ladi. Milliy ta’lim yo‘nalishlarida quyidagi fanlardan imtihon topshiriladi: ilova qilindi. Imtihonlarni online va offline shaklda topshirish mumkin.

Kirish uchun minimum talablar :

Xalqaro ta’lim dasturlarida IELTS (5,5 yoki ekvivalent) yoki TMCI kirish imtihonidan eng kamida 40% olinishi kerak. Milliy ta’lim dasturlari uchun TMCI kirish imtihonidan 63 ball yoki BMBA (DTM) natijasi 63 ball.

Yotoqxona :

Mavjud emas, lekin TMC ma’muriyati yotoqxona bilan ta’minlashda a’maliy yordam ko‘rsatadi.

Stipendiya : Mavjud emas.

Universitet tomonidan beriladigan moddiy yordam va chegirmalar :

IELTS, 7,5 va undan yuqori, Xalqaro grant imtihoni oxirgi bosqich qatnashchilari faqat bir o‘quv yiliga amal qiladigan 20% chegirma olishlari mumkin. Shuningdek, xalqaro va milliy dasturlar: 2-guruh nogironligi bor shaxslar, “Temir daftar”, “Yoshlar daftari” “Ayollar daftari”ga kiritilgan abituriyentlarga institut nizomida belgilangan bandiga asosan 10-20 foizgacha shartnoma summasidan chegirma qo‘llaniladi. Bunda bir oiladan ikkita talaba (aka-uka, opa-singil, er-xotin) bo‘lgan hollarda 20 foiz imtiyoz qo‘llaniladi. Qolgan hollarda 10 foiz miqdorida chegirma qilinadi. Mazkur imtiyoz Qabul komissiyasi faoliyati davomida ko‘rib chiqiladi va 1 marotabadan ko‘p qo‘llanilishi mumkin emas.

Xalqaro ta'lim dasturlari :

Xalqaro ta’lim dasturlarida tahsil olayotgan talabalar o‘qishlarini Britaniyaning Northampton va Cardiff Metropolitan Universitetlarida, Shvetsariyaning Swiss Hotel Management School (Shvetsariya Mehmonxona va Boshqaruv Maktabi), Singapurning TMC Academy, Vietnamning Xalqaro Savdo (Foreign Trade University) va Milliy Iqtisod Universiteti (National Economics University) Univernitetlarida davom ettirishlari mumkin. Talabalar o‘qishni ko‘chirish uchun fanlaridan qarzdorliklari bo‘lmasligi kerak va 2-kursdan boshlash qayd etilgan universitetlardan birida davom ettirishlari mumkin.

Work and Travel dasturi : Mavjud. TMCI talabalari AQSH va Germaniya davlatidagi dasturlarida qatnashib kelishmoqda.

O'qish vaqtida ishlash imkoniyatlari : TMC Institutida Karyer markazi talabalarning ish yuzasidan murojaatlariga ko‘maklashib kelmoqda. Bundan tashqari 10 dan ortiq yuqori malakali talabalar institut tomonidan ishga qabul qilingan va institutning o‘zida faoliyat yuritishmoqda.

Stajirovka

Bundan tashqari, institut talabalarga Singapurda 6 oylik stajirovka yoki Swiss Hotel Management School (Shveysariya) va Work and Travel dasturini taklif etadi.

Institutni tugatgandan keyin bitiruvchilar Karyera markazi tomonidan ishga joylanadi va karyera sohasida qo‘llab-quvvatlanadi.

TMC institutida xalqaro dasturlar bo‘yicha 10 ta grant va milliy dasturlar bo'yicha 50 grant mavjud. Grantlar 1 yil uchun tqdim etiladi, buning uchun talabalardan quyidagilar talab etiladi: 

1. Maktabni a’lo baholarga bitirgan bo‘lishi.

2. IELTS bo‘yicha 7.5 va undan yuqori ballga ega bo‘lishi, yoki ichki ingliz tili imtihonini topshirib, kamida 80% ball olishi.

3. Institutning ilmiy komissiyasi bilan suhbatdan o‘tishi. 

4. Berilgan mavzu bo‘yicha essay yozishi.

TMC Instituti har yili o'zlarining ilmiy yutuqlarini namoyish etadigan 10 talaba uchun to'liq stipendiyalarni taklif qiladi. Talabalar har semestr oxirida akademik mukammallikni ko'rsatishda va kamida 70% ball to'plashda davom etsalar stipendiya barcha 4 yillik ta'limni qamrab oladi.