Qo‘qon davlat pedagogika instituti

Qo`qon davlat pedagogika instituti haqida:

Muqimiy nomidagi Qo`qon davlat pedagogika instituti 1931-yil yanvar oyida kechki pedagogika instituti sifatida tashkil etilgan. Institut 1939-1940-o`quv yilidan boshlab kunduzgi davlat o`qituvchilar institutiga aylantirilgan. 1943-yildan xotin-qiz o`qituvchilar instituti, 1954-yildan xotin-qizlar davlat pedagogika institutiga aylantirilgan. 1943-yil oktyabr oyidan boshlab institutga demokrat shoir Muqimiy nomi berilgan.

Bugungi kunda Qo`qon davlat pedagogika instituti zamonaviy pedagogik kadrlarni tayyorlovchi respublikamizdagi yirik pedagogika muassasalaridan biri hisoblanadi. Bugungi kunda institut o`zining zamonaviy moddiy-texnika bazasiga ega bo`lib, 269 ta zamonaviy o`quv xonalari bugungi kun talablari bilan jihozlangan. 21 ta o`quv labaratoriya xonalari, bitta stadion, 4 ta basketbol va voleybol maydonlari, 3 ta yopiq sport zali, zamonaviy ARM, fakultetlarda tashkil etilgan kompyuter xonalarida mavjud bo`lgan 396 ta kompyuterlar, 3ta binodan iborat barcha qulayliklarga ega bo`lgan talabalar turar-joylari, 250 o`rinli oshxona talabalarga xizmat ko`rsatmoqda.

Qo`qon davlat pedagogika institutiga Qabul 2023/2024:

Taqdim etiladigan hujjatlar ro‘yxati:

1.Institut rektori nomiga ariza

2.Pasport nusxasi

3.O‘rta ma'lumot to‘g‘risidagi hujjat ilovasi bilan

4. 3,5-4,5 hajmda 4 dona foto surat

Qo‘qon davlat pedagogika instituti talabalar turar joyi.

Qo‘qon davlat pedagogika institutida umumiy sig‘imi 1860 nafar talabalarga mo‘ljallangan 4 ta talabalar turar joylari mavjud bo‘lib, ularning sig‘imi quyidagicha:

1-TTJ – 530 nafar;

2-TTJ – 531 nafar;

3-TTJ – 700 nafar;

4-TTJ – 112nafar.

Talabalar turar joyiga ariza berish va joylashish tizimi raqamlashtirildi. Bugun raqamlashtirish tufayli barcha sohalarda ochiqlik va shaffoflikka erishilmoqda. Yangi o‘quv yilidan boshlab QDPI talabalarni talabalar turar joylariga joylashtirish tizimi to‘liq raqamlashtirilgan holda amaliyotga joriy qilinmoqda. Endi talabalar turar joy uchun zarur hujjatlarni onlayn tartibda, uydan chiqmagan holda http://app.kspi.uz havolasi orqali orqali topshirishlari mumkin. Raqamlashtirilgan ushbu tizimining afzalliklari juda ko‘p. Avvalo, vaqt va mablag‘ tejaladi. Ish samaradorligi ortadi. Ovoragarchiliklarga chek qo‘yiladi. Bu, o‘z navbatida, talabalarga xizmat ko‘rsatish jarayonida inson omilini keskin kamaytirib, uzoq yillar davomida tizim shaffofligiga salbiy ta’sir etib kelgan byurokratiya, qog‘ozbozlik hamda korrupsiyaning sezilarli darajada kamayishini ta’minlaydi. Shu bilan birga bu boradagi ishlarni doimiy monitoringini olib borish ham mumkin bo‘ladi.

Qo`qon davlat pedagogika instituti qo'shma dasturlari:

Muqimiy nomidagi Qo‘qon davlat pedagogika instituti 2019-2020 o‘quv yili qabuli uchun xorijiy oliy ta'lim muassasalari bilan qo‘shma ta'lim dasturlari asosida bakalavrlarni tayyorlash bo‘yicha to‘lov-kontrakt asosida o‘qishni amalga oshiradi. Rossiya Federatsiyasi, Rossiya kasb-hunar pedagogika universiteti bilan Informatika o‘qitish metodikasi ta'lim yo‘nalishi bo‘yicha Rossiya Federatsiyasi, Miftaxetdin Akmulla nomidagi Boshqirdiston davlat pedagogika universiteti bilan Ona tili va adabiyoti: rus tili va adabiyoti hamda Defektologiya: logopediya bakalavriat ta'lim yo‘nalishlari bo‘yicha ushbu qo‘shma ta'lim dasturlari asosida tashkil etilayotgan yo‘nalishlarning tayyorlov kurslariga abituriyentlardan hujjatlar qabul qiladi.