Namangan muhandislik-qurilish instituti

Namangan Muhandislik-Qurilish Instituti haqida:

Namangan muhandislik-qurilish instituti 1979 yilda O‘zbekiston Respublikasi Namangan shahrida tashkil etilgan. Hozirda Namangan muhandislik-qurilish institutida 8 ta fakultet va 27 ta kafedra, 38 ta bakalavriat, 16 ta sirtqi, 3 ta oʻrta taʼlim va 21 ta magistratura yoʻnalishlari mavjud. Bugungi kunda institutda 350 dan ortiq professor-o‘qituvchilar o‘z kasbiy faoliyatini yuksak saviyada olib bormoqda. 2021-yilda institut professor-o‘qituvchilari tomonidan 4 ta davlat granti, jumladan 3 ta tijorat, 1 ta innovatsion va 2 ta Startap loyihalari amalga oshirilmoqda. 

Institutga talabalarni qabul qilish tartibi :

O‘zbekiston Respublikasi ta’lim institutlariga o‘qishga qabul qilish bo‘yicha Davlat komissiyasi tomonidan kirish imtihonlari (test sinovlari, kasbiy (ijodiy) imtihon, yozma imtihon) natijalariga ko‘ra to‘plangan ballarning reyting tizimi bo‘yicha amalga oshiriladi.

Grantlar :

Institutda davlat grantlari mavjud. Universitetda grantlar mavjud kirish imtihonlarida yuqori ball olgan iqtirodli talabalarga yo'nalishlar kesimida davlat grantlari ajratiladi. Bu grantlar faqat bir o'quv yili uchun beriladi va kontrakt asosida qabul qilingan talabalar kiyingi o'quv yillarida grant o'qish imkoniyati bor.

Institut stipendiyasi :

Davlat granti asosida ta’lim olayotgan talabalar:

Birinchi kursning 1-semestrida stipendiyaning bazaviy miqdori to‘lanadi;

- Keyingi semestrdan boshlab oldingi semestr natijalariga qarab quyidagi tartibda stipendiya tayinlanadi va to‘lanadi:

- Barcha fanlardan o‘zlashtirish ko‘rsatkichi a’lo bo‘lgan talabalarga stipendiyaning bazaviy miqdori 20%ga oshirilgan holatda to‘lanadi;

- Umumiy fanlarining 30% va undan ortiq qismini qoniqarli o‘zlashtirgan, ya’ni 71 balldan kam to‘plagan talabalarga stipendiya tayinlanmaydi. To‘liq davlat ta’minotida bo‘lgan yetim bolalar va ota-ona qaramog‘idan mahrum bo‘lgan bolalar sirasiga kiruvchi hamda 1 va 2-guruh nogironligi bo‘lgan talabalar bundan mustasno;

- Davlat granti asosida ta’lim olayotgan qolgan barcha talabalarga stipendiyaning bazaviy miqdori to‘lanadi.

To‘lov kontrakt asosida ta’lim olayotgan talabalarga quyidagi tartibda stipendiya tayinlanadi va to‘lanadi:

 - Kontrakt asosida o‘qiyotganlar stipendiyali yoki stipendiyasiz shaklda o‘qishi mumkin;

 - Kontraktdagilarga o‘zlashtirish ko‘rsatkichidan qat’iy nazar stipendiyaning bazaviy miqdori to‘lanadi.

 - Stipendiya tegishli tartibda belgilangan kontrakt summasi to‘langanidan so‘ng tayinlanadi va to‘lanadi.

I va II guruh nogironligi bor talabalar uchun quyidagi tartibda stipendiya to‘lanadi:

 - I va II guruh nogironligi bor talabalar grant yoki kontraktda o‘qishidan qat’iy nazar stipendiyaning bazaviy miqdoriga nisbatan 50%ga yuqori miqdorda stipendiya tayinlanadi va to‘lanadi;

 - To‘liq davlat ta’minotida bo‘lgan yetim bolalar va ota-ona qaramog‘idan mahrum bo‘lgan bolalar sirasiga kiruvchi talabalarga stipendiyaning bazaviy miqdorida stipendiya tayinlanadi va to‘lanadi.

Institut yotoqxonasi : Institutda yotoqxona mavjud.

Xalqaro hamkorlik :

Institut reytingini oshirish maqsadida xalqaro reytingi yuqori bo‘lgan muassasalar bilan hamkorlik shartnomalari imzolangan. Xususan, Rossiya Federatsiyasining Qozon federal universiteti filiali, Janubiy-Ural davlat universiteti bilan shartnomalar imzolangan. Institutning maqsadi ilg‘or muhandislik yo‘nalishida yosh mutaxassislarni tarbiyalash, shuningdek, jahon andozalari talablariga javob beradigan malakali kadrlar tayyorlashdan iborat. Institut Germaniya, Italiya, Ispaniya, Rossiya, Turkiya, Shvetsiya, Xitoy, Portugaliya va boshqa ko‘plab mamlakatlarning 33 ta taniqli institutlari bilan aloqada. Bundan tashqari, Xalqaro hamkorlik bo'limi DAAD, ITEC, MTCP va KOICA kabi ta'lim va tadqiqot bilan bog'liq stipendiya dasturlari bilan ishlaydi. Talabalar zamonaviy sharoitlarga ega talabalar turar joyi bilan ta’minlangan. Talabalar turar joyida talabalar poliklinikasi, sport inshooti hamda kutubxonalar, poyabzal tikuvchi ustalar, bozor va do‘konlar mavjud. Institutda innovatsion texnologiyalar bilan jihozlangan IT-park, zamonaviy o‘quv adabiyotlari bilan boyitilgan Axborot-resurs markazi, o‘quvchilarning ilmiy-ijodiy salohiyatini yuksaltirish maqsadida ijodiy to‘garaklar hamda “Vatanparvar” avtomaktabi faoliyat ko‘rsatmoqda.