Namangan davlat chet tillari instituti

Institut haqida :

Is’hoqxon Ibrat nomidagi Namangan davlat chet tillari instituti (keyingi o‘rinlarda – institut) O‘zbekiston Respublikasi Prezidentining 2022 yil 9 iyundagi “Ishoqxon Ibrat nomidagi Namangan davlat chet tillari institutini tashkil etish to‘g‘risida”gi PQ-275-sonli qaroriga muvofiq tashkil etilgan. Institut davlat oliy ta’lim muassasasi hisoblanib, oliy ta’limning asosiy va qo‘shma ta’lim dasturlarini bajarish bo‘yicha ta’lim faoliyati bilan shug‘ullanadi. Shuningdek, O‘zbekiston Respublikasining qonunchilik hujjatlariga muvofiq o‘quv, ilmiy-metodik va boshqa faoliyatlarni amalga oshiradi hamda ta’lim xizmatlarini ko‘rsatadi. Institut bakalavriat ta’lim yo‘nalishlari va magistratura mutaxassisliklari bo‘yicha yuqori malakali kadrlar tayyorlanishini ta’minlaydi. Shuningdek, Institutda shartnoma asosida ikkinchi va undan keyingi oliy ma’lumotni olish tashkil etilishi mumkin.

Institutda ta’lim olish shakllari quyidagilardan iborat:

ishlab chiqarishdan ajralgan holda ta’lim olish (kunduzgi);

ishlab chiqarishdan ajralmagan holda ta’lim olish (sirtqi, kechki).

Qonunchilik hujjatlariga muvofiq institutda ta’lim olishning boshqa shakllari ham joriy etilishi mumkin. 

Institutga talabalarni qabul qilish tartibi :

O‘zbekiston Respublikasi ta’lim institutlariga o‘qishga qabul qilish bo‘yicha Davlat komissiyasi tomonidan kirish imtihonlari (test sinovlari, kasbiy (ijodiy) imtihon, yozma imtihon) natijalariga ko‘ra to‘plangan ballarning reyting tizimi bo‘yicha amalga oshiriladi.

Grantlar :

Institutda davlat grantlari mavjud. Universitetda grantlar mavjud kirish imtihonlarida yuqori ball olgan iqtirodli talabalarga yo'nalishlar kesimida davlat grantlari ajratiladi. Bu grantlar faqat bir o'quv yili uchun beriladi va kontrakt asosida qabul qilingan talabalar kiyingi o'quv yillarida grant o'qish imkoniyati bor.

Institut stipendiyasi :

Davlat granti asosida ta’lim olayotgan talabalar:

Birinchi kursning 1-semestrida stipendiyaning bazaviy miqdori to‘lanadi;

- Keyingi semestrdan boshlab oldingi semestr natijalariga qarab quyidagi tartibda stipendiya tayinlanadi va to‘lanadi:

- Barcha fanlardan o‘zlashtirish ko‘rsatkichi a’lo bo‘lgan talabalarga stipendiyaning bazaviy miqdori 20%ga oshirilgan holatda to‘lanadi;

- Umumiy fanlarining 30% va undan ortiq qismini qoniqarli o‘zlashtirgan, ya’ni 71 balldan kam to‘plagan talabalarga stipendiya tayinlanmaydi. To‘liq davlat ta’minotida bo‘lgan yetim bolalar va ota-ona qaramog‘idan mahrum bo‘lgan bolalar sirasiga kiruvchi hamda 1 va 2-guruh nogironligi bo‘lgan talabalar bundan mustasno;

- Davlat granti asosida ta’lim olayotgan qolgan barcha talabalarga stipendiyaning bazaviy miqdori to‘lanadi.

To‘lov kontrakt asosida ta’lim olayotgan talabalarga quyidagi tartibda stipendiya tayinlanadi va to‘lanadi:

 - Kontrakt asosida o‘qiyotganlar stipendiyali yoki stipendiyasiz shaklda o‘qishi mumkin;

 - Kontraktdagilarga o‘zlashtirish ko‘rsatkichidan qat’iy nazar stipendiyaning bazaviy miqdori to‘lanadi.

 - Stipendiya tegishli tartibda belgilangan kontrakt summasi to‘langanidan so‘ng tayinlanadi va to‘lanadi.

I va II guruh nogironligi bor talabalar uchun quyidagi tartibda stipendiya to‘lanadi:

 - I va II guruh nogironligi bor talabalar grant yoki kontraktda o‘qishidan qat’iy nazar stipendiyaning bazaviy miqdoriga nisbatan 50%ga yuqori miqdorda stipendiya tayinlanadi va to‘lanadi;

 - To‘liq davlat ta’minotida bo‘lgan yetim bolalar va ota-ona qaramog‘idan mahrum bo‘lgan bolalar sirasiga kiruvchi talabalarga stipendiyaning bazaviy miqdorida stipendiya tayinlanadi va to‘lanadi.

Institut yotoqxonasi : Institutda yotoqxona mavjud.

Xalqaro hamkorlik :

Namagan davlat chet tillar instituti dunyoning yetakchi davlatlarida talabalar va institut professor va o'qituvchilarni malakasini oshirish maqsadida talaba almashinuv dasturlari va malaka oshirish kurslari faol tashkil etilib kelmoqda. Namagan davlat chet tillar instituti va Udmurt davlat universiteti (Rossiya Federatsiyasi) o‘rtasidagi hamkorlik ishchi dasturining tantanali imzolanishi onlayn tarzda bo‘lib o‘tdi. sh dasturi doirasida talabalar uchun “Ustuvor 2030” PSAL boʻyicha qoʻshma taʼlim dasturlari va qoʻshimcha taʼlim dasturlarini ochish, oʻqituvchilar uchun amaliyot oʻtash, belgilangan usullardan foydalangan holda mutaxassislarni tayyorlash rejalashtirilgan. Bunda, NamDCHTI oʻqituvchilari ishtirok etishi mumkin boʻlgan yozgi maktablarni tashkillashtirish rejalashtirilgan.  UdDU rektori Scopus ilmiy maʼlumotlar bazasiga kiritilgan UdDUning “Koʻp tillilik”, “UdDU xabarnomasi”, “Finno-Ugr tadqiqot kundalik” jurnallarida oʻzbekistonlik hamkasblarning maqolalarini chop etishni taklif qildi. Kelgusida dastur ijrosi uchun mas’ul tuzilmalar tayinlanadi. Dasturga qo'shimcha tuzatishlar kiritish rejalashtirilgan.