Universitet haqida:
Fan va texnologiyalar universiteti O‘zbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasi tomonidan 2022-yil 27-iyul kuni berilgan № 048714 litsenziyasi asosida mamlakatda o‘z faoliyatini yuritadi.
Universitetni tamomlagan talabalarga butun O‘zbekistonda tan olinadigan davlat namunasidagi bakalavr diplomi beriladi. Ushbu diplom bilan istalgan xususiy korxonaga yoki davlat idorasiga ishga joylashish mumkin.
Fan va texnologiyalar universiteti o‘z faoliyatini 2022-yilda boshlaganiga qaramay, hozirda universitetda 5000 dan ortiq talaba tahsil olmoqda, ularga 100 ga yaqin malakali professor-o‘qituvchilar sifatli ta’lim berib kelmoqda. Universitetimiz yosh bo‘lishiga qaramay, hozirdan yuqori marralarni egallamoqda. Masalan, 2023-yil dekabr oyida talabalarimiz 135 ta OTM jamoalari, shu jumladan 1080 nafar talaba ishtirok etgan “Zakovat” intellektual olimpiadasining respublika bosqichida 1-o‘rinni qo‘lga kiritdi va 2 mlrd so‘m miqdoridagi Prezident sovg‘asi bilan taqdirlandi.
Universitet xalqaro standartlar asosida, xorijiy ta’lim muassasalari tajribasiga asoslangan holda faoliyat olib borishi rejalashtirilgan. Universitet faoliyatining o‘quv jarayonini tashkil etish va boshqarish kredit-modul ta’lim tizimi asosida amalga oshirilib, o‘quv mashg‘ulotlari yuqori malakali professor-o‘qituvchilar tomonidan zamonaviy texnologiyalar va o‘quv materiallari asosida olib boriladi. Universitetda talabalar uchun zamonaviy o‘quv adabiyotlari va kompyuter texnikalari bilan jihozlangan axborot resurs markazi, elektron kutubxona, bufet va tibbiyot xonalari faoliyat olib boradi. Universitet binosi to‘liqligicha Wi-Fi tarmog‘i bilan qamrab olingan bo‘lib talabalarning internet resurslaridan foydalanishi uchun barcha qulayliklar yaratilgan.
Oliy ta’limni nufuzli va zamonaviy universitetda olmoqchimisiz? Sifatli ta'lim, individual yondashuv va rivojlanish uchun keng imkoniyatlar taklif qiladigan universitetni qidiryapsizmi? Unday bo’lsa siz e’tiboringizni O’zbekistondagi eng yaxshi universitetlardan biri bo’lgan Fan va texnologiyalar universiteti (USAT) ga qaratishingiz lozim.
Qabul kvotasi : Umumiy 10 000 ta
Universitetga qabul qilinish talablari: Faqatgina "Boshlang'ich ta'lim" yo'nalishi bo'yicha sirtqi ta'lim shakliga hujjat topshirganda 5 yillik staj talab qilinadi.
Grant : Fan va texnologiyalar universitetida 21 ta grant o'rinlari ajratilgan. Buning uchun har yili o'tkaziladigan “Fan javohirlari” olimpiadasida ishtirok etish kerak. 7 ta fandan o'tkaziladigan olimpiadada 1, 2 yoki 3-o'rinni qo'lga kiritgan o'quvchilar universitetda 4 yil davomida grant asosida ta'lim olishi mumkin.
Stipendiya :
Fan va texnologiyalar universitetida kunduzgi ta’lim shaklida tahsil olayotgan talabalar uchun “Rektor stipendiyasi” joriy qilingan. Stipendiyaga ega bo’lish uchun talabgorlar orasida tanlov o’tkaziladi. “Rektor stipendiyasi”ni tayinlash uchun nomzodlarni koʻrsatish saralash komissiyasi tomonidan talabgorlarning oʻquv va ilmiy faoliyatini ommaviy muhokama qilish asosida amalga oshiriladi. Shu bilan birga Oʻzbekiston tarixi, axborot texnologiyalari va xorijiy tillar fanlaridan imtihon bo’lib o’tadi. Stipendiya uchun tanlov har semestrda bir marta amalga oshiriladi.
Kirish ballari : Har yili kirish ballari har xil bo'ladi, o'rtacha - 50 ball. Imtihonlarni abituriyentlar xohishiga qarab onlayn yoki universitetga tashrif buyurgan holda oflayn topshirishi mumkin. Shu bilan birga, chet tilini bilish darajasi to‘g‘risidagi B1 va undan yuqori darajadagi malaka sertifikatga ega bo‘lgan abituriyentlar ushbu holatni tasdiqlovchi hujjatni qabul jarayonida taqdim etganda, kirish test imtihonlaridan ozod etiladi.
Olish mumkin bo'lgan chegirmalar va moddiy yordam : “Fan javohirlari” olimpiadasida ishtirok etib 15 million so‘mgacha vaucher (shartnoma summasidan chegirma) olish mumkin. Shu bilan birga, qabul davomida universitetning ijtimoiy tarmoqlaridagi sahifalarida (telegram, instagram) turli aksiyalar, "quiz"lar, "kvest"lar o‘tkazilib, ularda muvaffaqiyatli ishtirok etganlarga vaucher va boshqa qimmatbaho sovg‘alar beriladi.
Yotoqxona : USAT da hozircha yotoqxonalar yo'q.
Nega USATni tanlash kerak?
Universitetga hujjatlarni ham, imtihonni ham onlayn topshirishni istaysizmi? Grant asosida ta'lim olishni, stipendiya olishni xohlaysizmi? Oliy ta’limni nufuzli va zamonaviy universitetda olmoqchimisiz? Sifatli ta'lim, individual yondashuv va rivojlanish uchun keng imkoniyatlar taklif qiladigan universitetni izlayapsizmi? Unday bo’lsa siz e’tiboringizni O’zbekistondagi eng yaxshi universitetlardan biri bo’lgan Fan va texnologiyalar universitetiga qaratishingiz lozim. USAT - sizning potentsialingizni ro'yobga chiqarish, iste'dodlaringizni kashf etish va mehnat bozorida talabgir mutaxassis bo'lib yetishishingizga yordam beradi.
Ishonchimiz komil, bizning universitetimiz sizning o'qish va rivojlanishingiz uchun eng yaxshi imkoniyatlarni taqdim etadi. Sizni universitetimiz talabalari qatoriga qo'shilishga va tanlagan sohangizda muvaffaqiyat sari yo’lingizni boshlashga taklif qilamiz.
