Filologiya va tillarni o'qitish: rus tili

Aniq va ijtimoiy fanlar universitetining filologiya va tillarni o’qitish (Rus tili) ta’lim yo‘nalishi talabalarga rus tilini chuqur o‘rganish va uni o‘qitish sohasida puxta bilim olish imkoniyatini taqdim etadi. Ushbu dastur orqali talabalar rus tilining lingvistik xususiyatlari, fonetika, grammatika, leksika va adabiyot bilan tanishadilar, shuningdek, rus madaniyati va tarixini o‘rganadilar.

Dastur davomida talabalar rus tilini o‘rgatishning zamonaviy metodikalarini o‘zlashtiradilar va bu tilni o‘qitishda yuqori samaradorlikka erishish uchun zaruriy pedagogik ko‘nikmalarni rivojlantiradilar. Ushbu yo‘nalish talabalarga rus tilini ona til sifatida hamda xorijiy til sifatida o‘rgatishda yetakchi bo‘lish imkoniyatini beradi.

Filologiya va tillarni o‘qitish (Rus tili) ta’lim yo‘nalishi talabalarga rus tili va madaniyatini asrash va rivojlantirishga hissa qo‘shish imkoniyatini beradi. Ushbu yo‘nalishda olingan ta’lim talabalarni rus tili bo‘yicha malakali mutaxassis sifatida yetishtirib, ularning ta’lim, ilmiy-tadqiqot va madaniyat sohasida muvaffaqiyat qozonishlariga yordam beradi.

Kasbiy faoliyatlarning obyektlari

• Davlat boshqaruvi organlari, O'zbekiston Respublikasi Fanlar akademiyasi va tarmoq ilmiy tadqiqot institutlari, ommaviy axborot vositalari va nashriyotlar, maktabgacha, umumiy o'rta va o'rta maxsus, professional ta'lim tashkilotlari, davlat va nodavlat ta'lim tashkilotlari, korxona va muassasalar, kompaniyalar (firmalar)da filolog, pedagog (asosiy va ikkinchi til bo'yicha).